رعد الفلوجي
مو گتلك يگلبي من العتب جــوز
الجرح لو فات وكته شنفع الخياط
اهلنه اعله الفشگ فطمونه يجـوز
صرخنه وذيچ صرختنه من الگماط
بصناديــــگ العتـاد انبـدل الكنـوز
ونموت احنه وتظل للقاده الانواط
يجينه شـباط نتباچـه اعلـه تمـوز
ويجي تموز هم نبچي علـه شباط
علـه ياهـو اليجيك اتصيـر قرقـوز
بچيسك يابشر ارد اعرف شـحاط
اليربـح بالنـفـاق الشــــوط ويفـوز
يخسـر بالمبـادىء كــل الاشـــواط
مـو كـل المدعبـل ينحسـب جــوز
رمـان الحـرب يكتـل لـون شــــاط
الشاطـر بألف تنعـد غلطتـه يجـوز
اشتعـد للصار عنـده آلاف الاغلاط
لبروحـــه جـبل متشوفــه مهـزوز
ويظـل مـثل الحچايـه البيها رباط
چـنــه عالبسـاط انگعــــد العــــوز
هسـه العــوز گعـــدنـه عالبســـاط
وچان الهـوى عذيبي تگـول تيروز
ريحـة مـوت هسـه وكلـه شعـواط
ترى الطيــر اليغـرد عگـب فيــروز
مّيوصـل السـلام لـ رضـا الخيــاط