حسين الشيباني
شسويلك يكلبي ….خاطر اتوب ؟
امدلك جمرعطابه ……واجويك ؟
دولاب الوكت ……فرّاته مكلوب
ماتوعه وتحس…. يمعود اشبيك ؟
حسبالك…. تحن من تالي الاكلوب؟
وتقره الوي هلا.. بوجه اليلاجيك ؟
ما سدّيت …بوجوه اليجي البوب
نكثت اخروج….. للمايوم منطيك
جبت عمرك على الكلفات مندوب
وفيت ….وما حصل كدها اليوافيك
يكلبي ايّس ولك ….مابعد مذروب
تحط ايدك عليه….. باجر ويحميك
عليمن وهدنتني ….وعثره الادروب ؟
هندس……… والذيابه أتدوّر أعليك
تطوطح سكر …. من غير مشروب
يكلبي انزف قهر …. محد يداويك
ظل مجلي ….ولحد الموت مطلوب
متهوم بجتل…………… ياهو اليبرّيك ؟
على المامش مسيح وجان مصلوب
شنهو انته وتظن ……محّد يعابيك ؟
كّملهن كظن………….. بالدوب يادوب
اسنينك مو قحط…….. والزات تانيك
موش اجناب ……….والتقدير مكتوب
وسفه العلس لحمك ………منّك وبيك